ना गाजावाजा ….ना शक्तिप्रदर्शन मोजक्याच नेत्यांच्या उपस्थितीत प्रियांका जारकिहोळी दाखल करणार उमेदवारी अर्ज

  

ना गाजावाजा ….ना शक्तिप्रदर्शन मोजक्याच नेत्यांच्या उपस्थितीत प्रियांका जारकिहोळी दाखल करणार उमेदवारी अर्ज

 चिक्कोडी, ता. १७ : काँग्रेसच्या उमेदवार प्रियांका जारकीहोळी या गुरुवारी (ता.१८)  चिक्कोडी लोकसभा मतदारसंघातून आपला उमेदवारी अर्ज दाखल करणार आहेत.

बेळगाव आणि कारवार मतदार संघातील भाजप आणि काँग्रेस उमेदवारांनी दमदारपणे शक्ती प्रदर्शन करीत आपले उमेदवारी अर्ज दाखल केले. मात्र, कॉंग्रेसच्या प्रियांका जारकीहोळी ह्या चिक्कोडी मतदार संघात कोणताही गाजावाजा न करता अथवा शक्ती प्रदर्शन न करता साधेपणाने आपला उमेदवारी अर्ज दाखल करणार आहेत. अर्ज दाखल करताना प्रियांका यांच्यासोबत केवळ लोकप्रतिनिधीआणि स्थानिक नेते हजर राहणार आहेत.

सध्या उष्मा खूपच वाढला आहे. पारा ३८ वर पोहोचला आहे. याचा त्रास कार्यकर्ते आणि सर्वसामान्य जनतेला होऊ नये, असा विचार करीत पालकमंत्री आणि प्रियांका जारकीहोळी यांचे वडील सतीश जारकीहोळी यांनी हा निर्णय घेतल्याचे समजते.

प्रियांका प्रथमच लोकसभा निवडणुकीच्या रिंगणात उतरल्या आहेत. आपल्या बहिणीला निवडून आणण्यासाठी भाऊ राहुलही ताकदीनिशी प्रचार रिंगणात उतरला आहे.