राष्ट्रीय शरीरसौष्ठव स्पर्धेसाठी सीमाभागातील डॉ. अमित जडे यांना निमंत्रण

राष्ट्रीय शरीरसौष्ठव स्पर्धेसाठी सीमाभागातील डॉ. अमित जडे यांना निमंत्रण

बेळगाव, ता. १६ : पंजाब लुधियाना येथे होणाऱ्या १५ वी मिस्टर इंडिया २०२४ या राष्ट्रीय शरीरसौष्ठव स्पर्धे करीता, बेळगांव सीमाभागातील डॉ. अमित जडे यांना निमंत्रण. डॉ. अमित जडे हे भारतातील एकमेव अशी व्यक्ती आहे की जी बॉडी बिल्डिंग या विषयात  PhD ही पदवी मिळवली आहे. त्यामुळे त्यांचा सत्कार हा राष्ट्रीय व्यासपीठावर होत आहे.

डॉ. अमित जडे यांचा सत्कार करण्यासाठी महाराष्ट्रातील हिंदू जननायक व महाराष्ट्र नवनिर्माण सेनेचे संस्थापक अध्यक्ष माननीय श्री. राजसाहेब ठाकरे आणि सौ. शर्मिला ताई ठाकरे व त्यांचे सहकारी Adv. राजेंद्र शिरोडकर साहेब, सरचिटणीस, महाराष्ट्र राज्य ( मनसे ), डॉ.ऋषी शेरेकर साहेब, अध्यक्ष महाराष्ट्र नवनिर्माण शारीरिक सेना महाराष्ट्र राज्य, श्री. अमृत मोहनराज जावळे,उपाध्यक्ष, महाराष्ट्र नवनिर्माण शारीरिक सेना, महाराष्ट्र राज्य, मनसे सचिव डॉ. सचिन मोरे, तसेच बेळगांव महानगर पालिकेचे विद्यमान नगरसेवक व राजसाहेबांचे विश्वासू,बेळगांव संपर्क प्रमुख श्री. रवी साळुंखे या सर्वांच्या प्रयत्नाने डॉ. अमित जडे यांचा सत्कार पंजाब लुधियाना या ठिकाणी होत आहे.

डॉ. अमित जडे यांनी राष्ट्रीय व राज्य पातळीवरील शरीरसौष्ठव स्पर्धेमध्ये बेळगांवचे नाव उज्वल केले आहे. डॉ. अमित जडे यांना बेळगांवचे भुषण, एकलव्य अवॉर्ड पुरस्कृत, मिस्टर इंडिया विजेते श्री. सुनिल आपटेकर यांचे मार्गदर्शन लाभले आहे.