बेळगावात रंगणार खेळ पैठणीचा

 बेळगावात रंगणार खेळ पैठणीचा 

बेळगाव, ता. ८ : महिला दिनाच्या औचित्याने सुळगे येळ्ळूर येथे भव्य होम मिनिस्टर स्पर्धेचे आयोजन करण्यात आले आहे. श्रीराम बिल्डर्स डेव्हलपर्स इंजिनियर यांच्या संयुक्त विद्यमाने सदर स्पर्धेचे आयोजन करण्यात आले असून सुळगे येळ्ळूर येथे रविवार दि. १० मार्च रोजी सायंकाळी हि स्पर्धा होणार आहे. 

सिनेअभिनेते मदन पलंगे यांच्या माध्यमातून या स्पर्धेचे सादरीकरण होणार असून प्रथम पारितोषिक विजेत्या महिलेला पैठणी देऊन गौरविण्यात येणार आहे. यासोबतच उपविजेत्या स्पर्धकांनाही आकर्षक बक्षिसे देऊन गौरविण्यात येणार आहे. बेळगावमधील विविध भागातील महिलांच्या सहभागाने हि स्पर्धा रंगणार असून या स्पर्धेत महिलांनी उस्त्फुर्तपणे सहभाग घ्यावा, अधिक माहितीसाठी ७७६०२६६२४७ या क्रमांकावर संपर्क साधावा असे आवाहन श्रीराम बिल्डर्स डेव्हलपर्स इंजिनियर गोविंद टक्केकर यांनी केले आहे.