भारतीय सेस्टोबॉल संघाची नवी कर्णधार

 बेळगावची श्रेया गोणी भारतीय सेस्टोबॉल संघाची नवी कर्णधार

बेळगाव, ता.१६ : मुळची बेळगावची होतकरू सेस्टोबॉल खेळाडू श्रेया मंजुनाथ गोणी हिची भारतीय महिला सेस्टोबॉल संघाच्या कर्णधारपदी अभिनंदनीय निवड झाली असून हा सन्मान मिळवणारी ती बेळगावची पहिलीच महिला खेळाडू आहे. 

बँकॉक थायलंड येथे नुकत्याच पार पडलेल्या तिरंगी राष्ट्रीय -आंतरराष्ट्रीय सेस्टोबॉल अजिंक्यपद स्पर्धेत चमकदार कामगिरी नोंदवत श्रेया हिने भारतीय संघाला स्पर्धेच्या अजिंक्यपदासह सुवर्णपदक मिळवून देण्यात सिंहाचा वाटा उचलला आहे. सदर स्पर्धेच्या चुरशीच्या रोमहर्षक अंतिम सामन्यात श्रेया गोणी हिने केलेल्या अत्युत्तम खेळाच्या जोरावर भारतीय सेस्टोबॉल संघाने प्रतिस्पर्धी श्रीलंका संघाला पराभूत केले. या स्पर्धेतील श्रेया गोणी हिचे नेतृत्व कौशल्य आणि खेळाचे अप्रतिम सादरीकरण लक्षात घेऊन आता तिची भारतीय महिला सेस्टोबॉल संघाच्या कर्णधार पदी नियुक्ती करण्यात आली आहे. सदर यशाबद्दल श्रेया मंजुनाथ गोणी हिचे सेस्टो बॉल क्षेत्रासह सर्वत्र अभिनंदन होत आहे.