चिल्लर देण्याच्या वादातून फिल्मी स्टाईलने मारामारी
बेळगाव, ता. 3 : गणेशपूर येथील वाईन शॉपमध्ये चिल्लर वरुन वाद झाला. वादाचे रूपांतर फिल्मी स्टाईलने तुंबळ मारामारी झाल्याची घटना शुक्रवारी (ता. 3) घडली.परिणामी यामध्ये एक जवान जखमी झाला असून त्याच्या डोक्याला गंभीर जखम झाली. या घटनेची माहिती मिळताच कॅम्प पोलिसांनी घटनास्थळी धाव घेतली.
मिळालेली माहिती अशी की, गणेशपूर येथील जाधव वाईन शॉपमध्ये चिल्लर वरुन वाद झाला. वादाचे रूपांतर मारामारीत झाले. एक जवान होता. जवान अधिक नशेत असल्यामुळे सबंधित शॉपमध्ये अधिक वादावाद झाली. शॉपमध्ये बसलेल्या काही युवकांनी त्या जवानाला समजावण्याचा प्रयत्न केला. मात्र अधिक नशेत असल्यामुळे शिवीगाळ करुन लागला. जवानाने त्या युवकांना मारण्यास सुरुवात केली. परिणामी सबंधित जवानाला मारण्यास सुरुवात केली. शॉपमध्ये सुरू असलेली मारामारी रस्त्यावर आली हाताला मिळेल, त्या वस्तूने एकमेकांना मारत होते. रस्त्यावरतीच मारामारी सुरू असल्यामुळे दोन्ही बाजूची वाहतुक ठप्प झाली. जवानाच्या डोक्याला अधिक मार लागल्याने रक्ताने डोके भिजले होते. याची माहिती मिळताच कॅम्प पोलिसांनी घटनास्थळी धाव घेतली. जखमी व्यक्तिला जिल्हा रुग्णालयात दाखल करुन पोलिसांनी तपास सुरू केला.
----‐----‐-‐-------------
टिप्पणी पोस्ट करा
0 टिप्पण्या