गड मोहिमेसाठी मावळ्यांचे प्रस्थान

बेळगावच्या कार्यकर्त्यांचे गड मोहिमेसाठी प्रस्थान

बेळगाव, ता. २९ : सराफ गल्ली शहापूर येथील श्री शिवप्रेमी युवक मंडळातर्फे गडकोट भ्रमंती मोहीम -2023 चे आयोजन करण्यात आले असून शनिवारी ( ता. २८) सायंकाळी मंडळाचे कार्यकर्ते या मोहिमेसाठी रवाना झाले. 

आपल्या गडकोट भ्रमंती मोहीम -2023 अंतर्गत श्री शिवप्रेमी युवक मंडळाचे कार्यकर्ते शिवरायांचे जन्मस्थान असलेले किल्ले शिवनेरी, किल्ले चावंड (प्रसन्नगड), जुन्या काळातील व्यापारी मार्ग नाणेघाट, कुकडेश्वर शिवमंदिर, लेण्याद्री गणपती, किल्ले हरिश्चंद्रगड आणि किल्ले रतनगड या शिवकालीन गड आणि स्थळांना भेटी देणार आहेत. सदर मोहिमेत सराफ गल्लीतील श्री शिवप्रेमी युवक मंडळाचे सदस्य असलेल्या एकूण 30 कार्यकर्त्यांचा सहभाग असणार आहे. या सर्वांनी काल शनिवारी सायंकाळी 7 वाजता सराफ गल्ली येथून आपल्या मोहिमेसाठी प्रस्थान केले.