'रोटरी' तर्फे उद्या जागतिक पोलिओ पल्स दिन

 'रोटरी' तर्फे उद्या जागतिक पोलिओ पल्स दिन 

बेळगाव, ता. २२ : दरवर्षीप्रमाणे रोटरी क्लब ऑफ बेळगावतर्फे उद्या मंगळवार दि 24 ऑक्टोबर रोजी जागतिक पोलिओ पल्स दिन साजरा केला जाणार आहे.

जगभरातून पोलिओचे उच्चाटन करण्याचा विडा उचललेल्या रोटरी क्लबतर्फे दरवर्षी जागतिक पोलिओ पल्स दिन साजरा केला जातो. या राष्ट्रीय लसीकरण दिनानिमित्त रोटरी क्लब ऑफ बेळगाव आपल्या इतर रोटरी शाखा आणि सामाजिक संघटनांच्या सहकार्याने जनजागृतीपर उपक्रम राबवत असते. गेल्या कांही वर्षात सायकल रॅली, वाॅकेथाॅन, जलतरण मॅरेथॉन, स्केटिंग रॅली आदींच्या माध्यमातून ही जनजागृती करण्यात आली आहे. त्याचप्रमाणे सणासुदीच्या काळात सर्वसामान्य जनतेमध्ये पोलिओ उच्चाटना बाबत जनजागृती व्हावी यासाठी सिझन्स बॅनर आणि फलक लावले जातात. या खेरीज जिल्हा प्रशासनाच्या मदतीने अन्य विविध उपक्रम राबविले जातात. त्यानुसार दरवर्षीप्रमाणे रोटरीतर्फे उद्या मंगळवारी 24 ऑक्टोबर रोजीही विविध जनजागृतीपर उपक्रमांचे आयोजन केले जाणार आहे

.